SALOG

SALOG

Omawon an Kagurangnan!

An Kagurangnan nin kasalogan!

Magralangoy karpa asin talusog!

Mirapina, gabos na yaon sa salog!

Magsarayaw man mga pasayan

Omawa an Kagurangnan!

Sa kumpas kan sulog sa salog

Rawit-dawit idolot sa Kag-salog!

Kasili, burirawan maghirikol-hikol man

Sa parasira kamo kaugmahan

Mahal baga kamo sa sàdan

Maski sa dila kamo kaugmahan!

Magrulukso talusog asin mirapina

Magkaramang aniit asin ugama

Sa langoy, lukso asin kamang

Omawa Kagurangnan nin kasalogan !

Burabod Siya nin kabuhayan

An Kagurangnan nin kasalogan

Omawa Kabikolan, omawa!

An Kagurangnan nin kasalogan!